Ladki
Ladki ke paida hote hi lagta hai us par
ladki hone ka kalank
Maa-Baap sochte hai ab kaise chalega unka vansh
jaise ladke to hain unka ansh
our ladki na ho unka ansh
ladke to paalen phoolon phalon me
ladki kaanton me zadi
jab ladki ho jaati badi uske pairon
me lag jaati hai beedi
ab aai uski shaadi ki baari
ghar me hone lagi uski shaadi ki taiyaari
maata-pita ko chod sasuraal chali bechaari
lakin vahan ho rhi thi uske dahej ki intzaari
jab saas-sasur ka dahej se nhi man bhra
gussaye sasural waalon ne diya use mitti tel se jala
ab aap hi batayein usme kya tha uska kusur
kyun mitta diya uska vajud
kya vo thi ek ladki isliye itni sasti thi uski jindgi
kya use haq nhi tha jeene ka bhi
jo de di hai uski bali